Source:
Above: Isabella (Elisabeth) of Austria, queen of Denmark, Norway and Sweden, painted by Poul Hagelstein.
The letter:
Wy Elyszabeth von gotts gnadenn to Denmarkenn Norwegenn der Wennde vnnd Goten koninginne etc. geborne ertzhertoginne to Osterick vnd to Burgundi hertoginne to Sleszwick Holsten Stormarn vnd der Dytmerschen graffinne to Oldenborch vnnd Delmenhorst etc. Entbiden vnser vogede to Bergenn jn Norwegenn Jürgen Hansen, vnse gnade vnnd gewen dy touournehmende, datt de errunge thuscken dem durchluchtigsten grothmechtigesten hochgebornen ffursten hernn Christiernn to Denmarck koningeme etc. vnnserem ffruntlichemm hertzleuen hernn vnd gemahel an einem, vnd den erszamen von Lubeck Wendeschenn vnd Hansesteden, am andere dele, jn gutlich bestantt gebracht syn, darvmme gebeden vnnd befelhen wy dy hyr mit ernstlichen by konixlicher hulde, vnnd willenn dat du nha vormoge der mandata, de du von gemelten vnsem ffruntlicken leuen herrn gemahell hebbest entfangenn tegen den copmann to Bergenn nichtes handells vornehmest, oder voruoligest sonderlichen allzo vmme de besoldunde der twe hundert manne krigesfolckes, jtem des teynden penniges wo van den dudeschen amtenn geeschet is, jtem vmme de axise van allen gedrenken ock des copmans huse auer Strant effte mit des copmans broke by der Bruggenn, dy jn keiner mathen, vndernehmest, bewerrst effte bekummerst sunder swalle samptlichen vnnd besondern nha vormoge older gewonthenn priuilegien mit oren hauen vnd guderenn fredszam vnbeworren latest, handelnn, wandellnn passirenn vnnd hantyren, szo lange de gedachten errung to mehrer vorherung kommeth. vnd du des van vnsen fruntlichen leuen gemahell oder van vns wideren bouehll vornehmest. dy in deme szo bewysest, des auer dy neyne clachte, erfahren, darann geschiitt vnse gantze ernste meynunge.
Datum Copenhagenn fridages na corporis Christi anno etc. xx°.
Ad mandatum reginæ proprium.
Datum Copenhagenn fridages na corporis Christi anno etc. xx°.
Ad mandatum reginæ proprium.
No comments:
Post a Comment