Source:
Above: Queen Maria of Hungary and Bohemia, Governor of the Netherlands, painted by unknown artist after Titian.
The letter:
Maria von gots gnaden zu Hungern, Bohaim etc. khunigin, Romischer key. m. t etc. stathallterin vnd gubernantin der Niderlanden etc. Ersamen lieben besonndern. Wir haben das schreiben so jr vns negst gethon am datum den sibennden Octobris, sambt eiben schreiben, das ko. wirde von Dennemarckhen an euch ferttigen lassen empfanngen, dar jnn angetzaigt, wie das sich Christoffer von Truntheim, als ein seerauber vndter dem landt Heiliglannde gesetzt haben, jn maynung gedachte ko. m. von Dennemarkhen vnd di jren zubeschedigen, wie dann von ettlicken personen, di bemelten Cristoffer abgefangen, durch peinlich frag bekhent worden, welchs alles dem aufgerichten tractat vnd bestannde, so zwuschen hochgedachter kay. m.t vnnsers gnedigen libsten herrnn vnd bruders Erbinderlannden vnd ko. m. von Dennemarkhen aufgericht, zu wider sein, das wir demnach solch oder dergleichen seerauber (wo die in disen Niderlannden ankamen) nit gestatten sonder vermug angezeigtes tractats annemen vnd straffen lassen sollen etc. Darauff geben wir euch zuerkennen, das wir vor oder nach bemelten schreiben, des gedachten [Christoffers von Truntheims handlungen gar kein wissen gehabt, dann zu der zeith als der bischof von Truntheim, sein Christoffers blutverwonter frundt, mit todt abganngen, haben wir jme, auf sein an .... en vnd auff das er widerumb zu haus komen muss allain ein passzporten aus disen Niderlannden zugeben verwilligt. So wir aber hinfur ainiche seerauber, [wer die sein, an ainigem ort gedachter Niderlannden erfaren vnd das sy aldar ankomen, so wullen wir dieselben nit weniger, dann sich ko. m. von Dennemarcken erpotten, annemen straffen vnd dem aufgerichten tractat nit zugegen, sonder demselben strackhs nach handlen konnen euch auch nit vnangetzaigt lassen das k. m. aus Enngelanndt ambasator, so ytzt an vnserm hofe sich beclagt, wie einem vndterthon aus Enngellandt ain schiff [trefflichen guttern abgeraubt vnd genomen worden, vnd so jr hierum ainichs wissen oder erfaring hettet, so begern wir gnedigclich, jr wollet vnns desselbigen schriftlichen bericht zuesenden, wullen wir hin wider gnedigclich erkennen, vnd wolten euch solchs alles auf gedachte schreiben zur antwurt nit verhalten. Datum Brussl in Brabanndt den zehenden tag Nouembris anno etc. trigesimo octauo.
No comments:
Post a Comment