Source:
Diplomatarium Islandicum: Íslenzkt Fornbréfasafn, Volume 5, page 80, published by S. L. Möllers, Copenhagen, 1899, 1902
The letter:
Ærligum manni jone asgeirssyni er brefit senth.
Minn godann uinn jon asgeirsson ẏdr heilsar eg kristin gudnadotter kærliga med gud ik uora fru.
bidur eg ẏdr um at þier beidit sira jonn at hann sie firir hennar hond stulkunnar þeirrar sem eg tok at mier j fardaganna ef þier erut eigi sialfer uid suo at hun hlioti þat er ockur uære þarfligt j fridum peningum annat huort j saudunum eda hrossit. hlytur hun ok nockut upp j jordina þa stendr þat firir sig. uillda eg at þier letud illuga hafa kuiguna þa hina tuæuetru ok afentut hana j fardaga. siait nu til uinnumanana at þeir fæ klædin nog. uillda eg at jonn gudmundzson fengi .x. alnar uadmals. ef sira are gelldur ockur nockut uadmal þa skal hann fa nockrra skatta þar af enn profasturinn þat sem meira er j tiundernar.
siait nu til allz sem þier þeinckit at bezt gegni.
hier med bifala eg ẏdr gudi j ualld ok hans modur marie ok sancte petre.
No comments:
Post a Comment