Queen Margrete I's letter, dated March 13, 1388

Source:

https://www.dokpro.uio.no/perl/middelalder/diplom_vise_tekst.prl?b=6078&s=n&str=

Above: Queen Margrete I of Denmark, Norway and Sweden, artist unknown.

In this letter, dated March 13, 1388, Margrete affirms the three previous kings' and her own privileges for the royal chapel Mariekirken in Oslo, its provost, crusaders, servants and subjects.

The letter:

Margareta med gudz naadh Noregs ok Swyia drothneng ok Danmarks rettar ærfuingæ ok þæs fyrstinna sændir ollum monnum þæim sæm þetta bref sea æder høyra q. g. ok sina. Veer ok raadh vaart saghom ok jnwyrdaligha ifuirlasom open bref hæiderligra hofþingia konong Magnusar hans sonar vaars kæra herra ok husbonda konong Hakons vaars kæra sonar konong Olafs ok vaart æighit bref ok vatta vm frealsæ ok stadfæsto priuilegiorum er modhor fadher Magnusar konongs adernæmfdz Hakon kononger godrar aminningar ok þæir hafdo gefuet ok stadfæst capello sinne Marie kirkiu j Oslo profastenom ok koorsbrødrom þer sama stadz. ok ollum adrum hennar þænæsta monnum ok vardnadhe huorium brefuom þetta vaart bref er med fæst. Ok af þy at veer vilium þæssa þæirra gærd ok skipan gierna stadhugha halda þa stadfæstom veer adernæmfde konongs capello Marie kirkiu profastenom ok koorsbrødrom. ok adrum hænnar þenestamonnum ok vardnadhe oll þau priuilegia ok frealsæ syslur iørder gardha ok tuftir ok alla adra lutj størræ ok smærræ. er adernæmfdir optnæmfde Marie kirkiu j Oslo profastenom ok koorsbrødhrom þer samastadz. ok adrum hennar þænestamonnum ok vardnadhe j ollum þæim græinum ok articulis sæm brefuen sialf vatta vm sik. fulkomligha firirbyodhande huorium manne j huorre stet æder tighunð sæm hwar er adernæmfd priuilegia ok frealsæ syslur jørder vnadha firir optnæmfdri konongs capello. Marie kirkiu profastenom ok koorsbrodhrom ok adrum hennar þænestamonnum ok varnadhe j nokkrom lut a mote þeim brefuom sæm adernæmfdir hofþingiar kononganna j Noreghe hafua þer vm wtgefuet æder ok a mote þæsso varo stadfæsto brefue. Nema hwar sæm þet gerer vili sæta varræ sanne vblidhi ok a ofuan swara konongdomenom atta ærtoghom ok þrættan markum j brefuabrot. Var þetta bref gort j Marie kirkiu j Oslo a daghen nest æftir Gregorii mæsso dagh a fyrsto are sæm veer varom tæknar till Noregs rikis stiorn. profasten at Marie kirkiu j Oslo herræ Hendrik Henriksson vaar ok rikissens canceler jn[ci]glade oss sialfue hiauerandæ.