Source:
The Stonor letters and papers, 1290-1483, volume 1, edited by Charles Lethbridge Kingsford, Offices of the Society, London, 1919
https://babel.hathitrust.org/cgi/pt?id=hvd.32044025059650&view=1up&seq=169
The letter:
Ellianor le Despencier a nostre trescher et bien ame monsyr Johan de Stonor, Justice du Banke nostre seignur le Roi, salut et honour. Nous vous prions tant come nous poons qe la requeste que nostre treschere dame la Roine vous fait par ses lettres pour nostre chapelen, nome Johan de Sadyngton, veuillez avoir a cuer e accomplir en si graciouse maniere comme vous savrez et pourrez pour lamour de nous [et] en [tiele] maniere quil sen puisse loer a nous et que nous vous en doiens mercier et tres bon gre savoir. Car par raison ce avoms de mes bien ames a qui il appartient, nous avons ses besoignes mout a cuer. Nostre syr vous garde. Escript a Berklee le vij jour de Fevrier.
No comments:
Post a Comment