Queen Margrete I's letter, dated March 6, 1388

Source:

https://www.dokpro.uio.no/perl/middelalder/diplom_vise_tekst.prl?b=512&s=n&str=

Above: Queen Margrete I. Courtesy of  Lupi82 on Wikimedia Commons.

The letter:

Margareta med gudz naadh Noreghs ok Swyia drothneng ok Danmarks rettar ærfuingæ ok þæs fyrstinna sændir ollum monnum þæm sæm þetta bref sea æder hoyra Q. g. ok sina. Ver vilium at þeer vitir varom kæra herra ok husbonda konong Hakone varom kæra son konong Olafue gudh bæggias þirra saal hafue swa oc oss væit ok han en framlædhis vatta skal swa oc varom æftirkomandum, þa hafuum ver honom leet vnt oc væit med raadhæ oc samþykt varra ok rikissens j Noreghe raadgiafuara, vm alla hans liifdagha Æikiar Modhæim ok þwærdala med ollum kronunnar vissum jngioldum med ollum sakarøyra størra oc smærra med þægngildum ok fridkaupum ok med ollum kunghlighum ret ængo vndanskildo vttan orbotamalum af huoriu han skal þo tyttugha merkar hafua swa opta sæm þau falla kunna. þer med hafuom ver oc honom leet oc vnt Kopar vikona j Dramfn med skipatollenom ok konongs kaupum sæm þer falla kunno seer till nytsæmdar sialfuum alla þæssa luti vm alla hans liifdagha. framlædis æftir hans liifdagha skula hans husfrw ok hans barn fylghia Æikium Modhæimj þwærdalum ok Koparvikenne sæm adr er sakt ok hafua j pant bædhæ firir þa peninga sæm ader næmfder vaar kæræ herræ ok husbondæ var honom skyldugher swa ok firir þa peningu sæm honom bresta nu at han æighi vpboret hæfuir [af alla syslu till þæs dags at ver æder varer æftirkomanda hafuum þæim loket twau hundradha lodhugha mark ok ænkti af sla af þy þau vpbera vttan kronunnar vissu jngiold ader en þæim ero vploknar adernæmfd twau hundradha lodhugha mark. Ok þy setto wyrdoligher herrar herræ Vinalder med gudz naadh erkibiskupr j Nidharos herræ Øystein j Oslo herra Olafuer j Stafwangre herræ Sighurder j Hamræ med samræ naadh biskupar Hakon Jonsson Gaute Eiriksson ok Joon Marteinsson siin jncighli med varo firir þettæ bref er gort var a Akershuse a freadaghen nest firir midhfastu sunnodagh a fyrsto aare sæm ver varom tæknar till Noregs rikis stiorn.