Source:
Above: Queen Margrete I of Denmark, Norway and Sweden, artist unknown.
In this letter, with the consent of the Council of the Realm, Margrete affirms, on her own behalf and on behalf of her son King Olaf, all the freedoms, pursuits, etc., of the Marie Church in Oslo, Norway.
The letter:
Margareta med guðs miskun Noregs ok Swya drøtningh sendir ollum monnum þæim sem þetta bref sea edr høyra q. guðs ok sina. Ver vilium at þer vitir at eftir vars kiærasta herra kononghs Hakonar med agæter aminninghar douda ok frafall eftir gudz wilia. med rade ok samþykt rikisens rades þa hafuum ver stadfæst af vars kiera sons konongh Olafs weghna ok wara oll þau priuilegia sem fra forno ok nyo fra førsta daghe ok till þessa daghe ok hedan af waro till gæfuen till Mariu kirkiu capello varrer ok konongdomsens j Oslo ok stadfest ero fulkomlegha firir oss varum klærkum at fyrnefndre Mariu kirkiu huat sem þet høyrir till profasta dømeno sem syslona a Follo med ollum reet edr korsbrødrum klærkum ædr þæira hionum ok kirkiunnar sealfrer till vphældis ok huarium þæira vm sik med ollum þæim greinum ok articulis sem þæir hafua firir sik j huariu sem huart er ok war aldrakierasta herra Hakonar godrar aminninghar bref wattar sem her er vider fæst eftir hans stadfesto. fulkomligha firirbiodande huarium manne huarer stetter edr tighundar sem huar er riofua ædr talma þessa wara gierd ok stadfæsto j nokorum lut fyr en gud med sinum nadum hafue oss þet vnt at war kiere son konongh Olafuer kome sealfuer. Nema huar sem þet gerir wili sætta af konongdomsens wæghna reide refsingom ok hardum afuarkostum ok vare sandre vblido. Var þetta bref gort a Akershuse sexta feria proxima post epyphaniam domini anno domini millesimo ccc° octogesimo primo nostro sub sigillo.
No comments:
Post a Comment