Source:
Diplomatarium Islandicum: Íslenzkt Fornbréfasafn, Volume 4, page 434, published by S. L. Möllers, Copenhagen, 1897
The letter:
Þat gerir ek margreta biarnardotter gedum monnum viturlight med þessu minu opnu brefi sakir þess ath cristinn madr a sinum skapara margann velgiorningh at luka þui gefr ek mik ok mina sal vndir guds vald oc hinnar signudu junfru sancta mariu ok allra guds heilagra manna giorir ek suo fellt testamentum heil j samvitsku.
klaustrinu j kirkiubæ a sidu tiu hundrat.
gunnvauru ketilsdottur frændkonu minni gefr ek fimtan hundrut j suo mata sem ek gere Rad fyrir henni til forgiptar.
gro þorleifsdottur frændkonu minne þriu kugillde.
asgrime frænda minum hundrat.
odrum asgrime brodr hans annat hundrat.
laudmunde frænda minum eyiulfssyni kugillde.
gro sẏstr hans ku.
hakoni augmundarsyni hundrat.
Ragnillde eẏiulfsdottur mat ok klæde vm sex aar ok fylge peningum hia minum erfingium.
gudrun[u] þorgrimsdottur kugillde.
ingibiorgu hialmsdottur tiu ara frida.
Ok til sanninda her vm setti sira andress steinþorsson ok gamle marteinsson sin incigle fyrir þetta testamentum bref.
No comments:
Post a Comment