Source:
DelaGardiska archivet, volume 2, edited by Peter Wieselgren and published by J. Hörberg, 1831
The letter:
Vniversis presentes litteras inspecturis Soror ingridis priorissa apud St. Martinum skeningiæ totusque conventus ibidem, salutem in domino sempiternam. Noverint universi nos exhibitori presentium nobili militi domino laurentio Ulfzson legifero sudermanniæ, predia nostra quæ quædam matrona nomine Asæ in hultethorp & salbiærghe in parochia skiærthestathæ sita in extremis nostro legavit conventui, cum omnibus sibi adjacentibus, pro centum marchis den: usualium vendidisse, tali conditione mediante quod dictus dominus Laurentius nobis singulis annis decem marchas den: de predicta summa indubitanter solvere teneatur donec predicta summa integraliter fuerit persoluta. In cujus rei testimonium, sigillum nostri conventus presentibus est appensum. Datum skeningie an. dn. m°c°c°c°xxx tertio in crastino apostolorum simonis & judæ.
No comments:
Post a Comment